မင်းဦးကတော့ အနုပညာသက်တမ်း နှစ်(၃၀) ကျော်လာခဲ့ပြီဖြစ်ပါတယ်။ သူဟာ ၂၀၁၃ ခုနှစ်တုန်းက “နင်စေရင်” ရုပ်ရှင်ကားကြီးနဲ့ အကောင်းဆုံး အမျိုးသားဇာတ်ပို့ဆု ရရှိခဲ့တာဖြစ်ပါတယ်။ သူဟာ ၂၀၁၆ ခုနှစ် နိုဝင်ဘာလ ၂၇ ရက်နေ့ တုန်းက ဇနီးချောလေး ခိုင်ဝေသူနဲ့ မင်္ဂလာပွဲပြုလုပ်ခဲ့တာဖြစ်ပါတယ်။ လက်ရှိမှာတော့ ရင်သွေးလေး မရှိသေးပဲ သာယာပျော်ရွှင်စရာကောင်းတဲ့ အိမ်ထောင်ရေးကို ပိုင်ဆိုင်ထားသူပါ။
ကပ်ရောဂါများ ဖြစ်ပွားနေတဲ့အတွက် ရိုက်လက်စ ရုပ်ရှင်များနဲ့ ဇာတ်လမ်းတွဲများပါ ရပ်နားထားရတဲ့အကြောင်းကို အခုလိုပဲ ပြောပြခဲ့ပါတယ်။ “ အခုလည်း ရုပ်ရှင်ရိုက်မယ့် လူတွေက ရိုက်ခွင့်ရမယ်ဆို ကြိုပြီးတော့ အကြောင်းကြားပါ့မယ်ပေါ့။ အခုချိန်မှာလည်း ရိုက်လက်စ ဇာတ်ကားတွေကို ရပ်ထားရတယ်။
ရုပ်ရှင်လည်းရှိတယ်၊ ဇာတ်လမ်းတွဲတွေလည်းရှိတယ်။ အခုက ဘာလုပ်ရမှန်း မသိသေးတဲ့ အခြေအနေ ဖြစ်နေတယ်။ အစ်ကိုတို့ ရုပ်ရှင်မှာက လူအများကြီးနဲ့ အလုပ်လုပ်ရတာဆိုတော့ ဘယ် အချိန်မှ ရိုက်ခွင့်ရမလဲ မပြောတတ်တော့ပါဘူး” ဆိုပြီးတော့ ရုပ်ရှင် နှစ်(၁၀၀) ပြည့်ရိုက်ကူးရေးမှာ ဖြေဆိုခဲ့တာပါ။ မင်းဦးက Covid ကာလ မပြီးသေးတာကြောင့် ပိုပြီး ဂရုတစိုက်နေထိုင်ကြဖို့ပြောလာပါတယ်။ အနုပညာအလုပ်တွေလည်း ပြန်လည် လုပ်ကိုင်ချင်တယ်လို့ သူက ဆိုပါတယ်။
“ ဒီအချိန်ကတော့ နည်းနည်းလေး ပိုဂရုစိုက်တာ ပိုကောင်းတယ်။ တခြားနိုင်ငံတွေထက် စာရင် ကျွန်တော်တို့ နိုင်ငံက ဖြစ်တာ တအားနည်းတဲ့အတွက် နဂိုကတည်းကလည်း ဖြစ်လာတဲ့ အချိန်မှာ စကတည်းက ဂရုစိုက်ခဲ့ကြတာပါ။ အစ်ကိုတို့ကတော့ အလုပ်တွေ ပြန်လုပ်ချင်တာပေါ့။ ဒါပေမယ့် ကျန်းမာရေးဝန်ကြီးဌာန က ဘယ်အချိန်၊ ဘယ်ကာလမှ အလုပ်တွေ ပြန်လုပ်ပါ ဆိုတဲ့ စကားကို နားထောင်ရမှာပဲ။ ဘာမှ မဖြစ်တော့ဘူးဆိုရင်တော့ လုပ်ရတာ ပိုကောင်းမှာပေါ့” လို့ ဆက်လက် ပြောပြခဲ့ပါတယ်။