ဂဠုန်ဦးစော အဖြစ် သရုပ်ဆောင်ရန် ပထမအဆင့် ရွေးချယ်ခံလိုက်ရတဲ့ ဆုပန်ထွာရဲ့ ခင်ပွန်း ဥက္ကာကျော်

ပရိသတ်ကြီးရေ လတ်တလောမှာ မြန်မာနိုင်ငံရဲ့ အာဇာနည်ဖခင်ကြီးဖြစ်တဲ့ ဗိုလ်ချုပ်အောင်ဆန်းအကြောင်းကိုရိုက်ကူးမယ့် “အောင်ဆန်းရုပ်ရှင်” အတွက် လိုအပ်နေတဲ့ “ဂဠုန်ဦးစော” ဇာတ်ကောင်အဖြစ် ဂဠုန်ဦးစော နေရာမှာ ပါဝင်သရုပ်ဆောင်ဖို့အတွက် လူရွေးချယ်ဖို့ နေတာကို ပရိသတ်တွေသိရှိပြီးသားဖြစ်မှာပါနော်။

ဂဠုန်ဦးစောနေရာအတွက် ဆုပန်ထွာရဲ့ ခင်ပွန်း ကိုဥက္ကာကျော်ကို ပထမအဆင့် ရွေးချယ်လိုက်တဲ့အကြောင်းကို အောင်ဆန်းရုပ်ရှင် တရားဝင် စာမျက်နှာမှ အခုလို ထုတ်ပြန်လိုက်ပါတယ်ရှင်။ ” ဂဠုန်ဦးစောအဖြစ် သရုပ်ဆောင်ရန် ရွေးချယ်ခြင်း “အောင်ဆန်း” ရုပ်ရှင်တွင် ဂဠုန်ဦးစောအဖြစ် ပါဝင်သရုပ်ဆောင်ရန် ၂၀၂၀ ခုနှစ် ဇွန်လ (၅) ရက်နေ့တွင် ကြေငြာခေါ်ယူခဲ့ရာ Message Box မှသော်လည်းကောင်း၊ စာတိုက်မှသော်လည်းကောင်း လာရောက်လျှောက်ထားသော လျှောက်လွှာပေါင်း (၂၉) စောင်ကို လက်ခံရရှိခဲ့ပါသည်။

ထိုလျှောက်ထားသူများထဲမှ အသက်အရွယ်၊ အရပ်အမောင်း၊ ရုပ်ရည်ဆင်တူမှု စသည်တို့အပေါ်မူတည်၍ Casting Director ဒါရိုက်တာ ပန်းချီစိုးမိုးနှင့် ဒါရိုက်တာ လူမင်းတို့မှ စိစစ်ရွေးချယ်ခဲ့ရာ ကိုဥက္ကာကျော် တစ်ဦးတည်းကိုသာ ရွေးချယ်နိုင်ခဲ့ပါသည်။

သို့ဖြစ်ပါ၍ ကိုဥက္ကာကျော် အား ပထမဆင့်အနေဖြင့် ဂုဏ်ယူစွာ ရွေးချယ်လိုက်ပါသည်။
ဒုတိယအဆင့်အနေဖြင့် လူတွေ့စစ်ဆေးခြင်း၊ သရုပ်ဆောင်မှုစစ်ဆေးခြင်း၊ Character Make-up Test ပြုလုပ်ခြင်းများကို မကြာမီရက်ပိုင်းတွင် လုပ်ဆောင်သွားမည်ဖြစ်ပါသည်။ စိတ်ပါဝင်စားစွာ လျှောက်ထားလာသူများအားလုံးကို အထူးကျေးဇူးတင်ရှိပါသည်။ “အောင်ဆန်း” ရုပ်ရှင် သရုပ်ဆောင်ရွေးချယ်ရေးအဖွဲ့ ” ဆိုပြီး ကြေညာခဲ့တာ ဖြစ်ပါတယ်။