ချစ်ဇနီး နန္ဒာလှိုင်နဲ့ သူ့ရဲ့ မင်္ဂလာဦးည အတွေ့အကြုံလေးကို ဟာသလေးနှောပြီး ပြောပြခဲ့တဲ့ ဦးဇေသီဟ

ပရိတ်သတ်ကြီးရေ ဦးဇေသီဟနဲ့ မင်းသမီးကြီး နန္ဒာလှိုင်တို့ကတော့ ချစ်စရာကောင်းတဲ့ သမီးလေးတွေနဲ့အတူ ပျော်စရာကောင်းတဲ့ မိသားစုဘဝလေးကို ပိုင်ဆိုင်ထားကြတာပါ။ မိသားစုရဲ့ တနေ့တာ လုပ်ဆောင်ချက်တွေနဲ့ သမီးလေးတွေရဲ့ ချစ်စရာကောင်းတဲ့ အပြုအမူလေးတွေကိုလည်း ပရိတ်သတ်ထံ မကြာခဏ မျှဝေလေ့ ရှိကြပါတယ်။

ဦးဇေသီဟနဲ့ မင်းသမီး နန္ဒာလှိုင်တို့ တမိသားစုလုံးဟာ လက်ရှိမှာတော့ စောင့်ကြည့်လူနာများအဖြစ် နေအိမ်မှာပဲ ကွာရန်တင်းဝင်နေရတာပဲ ဖြစ်ပါတယ်။ ဦးဇေသီဟကတော့ သူ့ရဲ့ ဆိုရှယ်မီဒီယာကနေတဆင့် ကိုဗစ်ကြောင့် စိတ်ညစ်နေသူအားလုံးကို ရီစေချင်တာပါ ဆိုကာ သူ့ရဲ့ အဖြစ်အပျက်လေးများကို ဟာသနှောကာ တင်ပေးနေတာပါ။

အခုတခေါက်မှာလည်း ချစ်ဇနီးနဲ့ သူ့ရဲ့ မင်္ဂလာဦးည အတွေ့အကြုံလေးကို ဟာသနှောကာ ပြောပြခဲ့ပါသေးတယ်။ ” မင်္ဂလာဦးည ကျွန်တော်က တော်ရုံဖျားတာလောက်ဆို ဆေးမသောက်ဘူး။ ရေသောက်ပြီးပဲ ကုတာ။ အဲ့ဒါကြောင့် အခုချိန်ထိ ဘာဆေးသောက်သောက် ကျွန်တော့အတွက် အရမ်းပြင်းသလို ဖြစ်နေတယ်။ နန္ဒာ နဲ့ ယူပြီး ပထမဆုံးညမှာ အိပ်ခါနီး နန္ဒာက ကျွန်တော့အရှေ့မှာ ဝမ်းနှုတ်ဆေး သောက်လိုက်ရော။

ဆေးသောက်လေ့ မရှိတဲ့ ကျွန်တော်က ဘာလို့လဲ မေးတော့ မနက်က စားထားတာများလို့ လို့ဖြေတယ်လေ။ ကျွန်တော်လဲ သူနဲ့အတူ စားထားတာပဲ ဆိုပြီး ယူသောက်လိုက်ပါလေရော။ပုံမှန် မနက်မှ သွားမဲ့ ဝမ်းက သောက်ပြီး ခဏအကြာမှာ အစွမ်းတွေ ပြလိုက်တာ အိမ်သာထဲက မထွက်နိုင်တဲ့ ဘဝ ရောက် သွားလေရော….မင်္ဂလာဦးညကို အဲ့ဒီလိုသာ ကုန်ဆုံးသွားလေသတည်း ပေါ့ဗျာ။ ” ဆိုကာ ဟာသနှောပြီး ပြောပြခဲ့ပါတယ်။

ပရိတ်သတ်ကြီးရော နန္ဒာလှိုင်တို့လို အလွဲလွဲအချော်ချော်နဲ့ ပြန်တွေးတိုင်း ရယ်နေရတဲ့ ဘဝရဲ့ အမှတ်တရလေးကို ပြောပြခဲ့ပါဦးနော်။ ကိုဗစ်ကြောင့် စိတ်ညစ်နေရတဲ့ အပူတွေ လျော့ကျနိုင်ပြီး ကျန်းမာရွှင်လန်းနိုင်ကြပါစေရှင်။