မျက်လုံးသာ ပြန်မကောင်းခဲ့ရင် မင်းသားဘဝကို လုံးဝစွန့်လွှတ်ရတော့မယ်လို့ ရင်ဖွင့်ခဲ့တဲ့ ရဲတိုက်

ပရိသတ်ကြီးတို့ရေ ပြည်သူ့အချစ်တော် သရုပ်ဆောင်ရဲတိုက်ကတော့ သူ့ရဲ့ပီပြင်လှတဲ့ သရုပ်ဆောင်ချက်တွေနဲ့အတူ ပရိသတ်ရဲ့ ချစ်ခင်လေးစားမှုကို နှစ်ပေါင်းများစွာ လက်ခံရရှိထားသူတစ်ဦးပဲ ဖြစ်ပါတယ်။ ရဲတိုက်အနေနဲ့ အထဲကနေပြန်လည်လွတ်မြောက်ပြီး နောက်ပိုင်းမှာ ရုပ်ရှင်ကားကြီးတွေ ပြန်လည်ရိုက်ကူးလာတာကို တွေ့ရပြီး စိတ်ကျန်းမာရေးအရသော်လည်းကောင်း ရုပ်ကျန်းမာရေးအရသော်လည်းကောင်း ဆေးကုသခံခဲ့ရတဲ့အနေအထားတစ်ခု ဖြစ်တယ်လို့လည်း သိရှိရပါတယ်။

ဒီအင်တာဗျူးလေးမှာတော့ သရုပ်ဆောင်ရဲတိုက်တစ်ယောက် သူ့အနေနဲ့ မျက်လုံးသာပြန်မကောင်းခဲ့ဘူးဆိုရင် မင်းသားဘဝကို စွန့်လွှတ်ရတော့မယ်ဆိုပြီး ရင်ဖွင့်ဖြေကြားခဲ့တာပဲ ဖြစ်ပါတယ်။ အင်တာဗျူးလေးရဲ့ အစပိုင်းမှတော့ ရဲတိုက်ရဲ့ ပရိသတ်ရှေ့တော်မှောက် ပြန်ရောက်အောင် လာနေတဲ့ ခရီးစဉ်တစ်လျှောက် ပိုပြီး ခရီးရောက်ဖို့အတွက် အဘက်ဘက်ကနေ ပရိသတ်ရဲ့ရင်ဘတ်ထဲကို ရောက်ရှိဖို့အတွက် သီချင်းတွေပါ လုပ်ဖြစ်နေတယ်လို့ ပြောပါတယ်။

ပရိသတ်အနေနဲ့ အခုချိန်ထိ ဆက်လက်ချစ်ခင်ပေးနေတဲ့ အပေါ်မှာလည်း ရဲတိုက်က ကျေးဇူးတင်နေပြီး ရဲတိုက်နေရာမှာသာ အခြားတစ်ယောက်သာဆိုရင် ဒီလိုလူဆိုးလေးတစ်ယောက်ကို ပရိသတ်က ဆက်ချစ်ပေးနိုင်မှာ မဟုတ်ဘူးလို့ ရဲတိုက်က မြင်ပါတယ်။ အခုလို နားလည်ခွင့်လွှတ်ပေးနိုင်တဲ့ ပရိသတ်တွေဟာဆိုရင် အချို့သော ရဲတိုက်အပေါ် နားမလည်၊ ခွင့်မလွှတ်နိုင်သူတွေကို ရဲတိုက်ဘက်ကနေ ပြန်လည်ရှင်းပြပေးတတ်လို့ သူ့ကိုယ်သူ ပရိသတ်ရတာ အရမ်းကံကောင်းသူ တစ်ယာက်လို့ ရဲတိုက်က ပြောပါတယ်။ ရဲတိုက်အနေနဲ့လည်း အခုလက်ရှိပရိသတ်နဲ့တင် အချစ်ခံရတာ လုံလောက်နေသော်ငြားလည်း မင်းသားတစ်ယောက်အနေနဲ့တော့ ပရိသတ်များများ အားပေးတာကို ခံချင်တယ်လို့ ရဲတိုက်က ပွင့်ပွင့်လင်းလင်း ပြောပြလာပါတယ်။

ကျန်းမာရေးအနေနဲ့ကတော့ ဟိုတလောကပဲ အကြောတွေလိုက်၊ မျက်လုံးတွေမှတ်ကျသွားတဲ့အထိ ဆိုးဆိုးရွားရွား ဖြစ်သွားခဲ့ပေမယ့် အခုလိုပြန်ကောင်းလာတဲ့ အခြေအနေရောက်အောင် အများကြီး ဖြတ်သန်းခဲ့ရတယ်လို့ ရဲတိုက်က ပြောပါတယ်။ အခုဆိုရင် ရဲတိုက်ဟာ ဇာတ်ကားတွေ ပြန်လည်ရိုက်ကူးနိုင်တဲ့ အခြေအနေတစ်ခုကို ပြန်လည် ရောက်ရှိနေပြီး ပန်းချီတွေလည်း ဆွဲနေနိုင်တဲ့အတွက် အားလုံးလုပ်လို့ ရတဲ့အထိ အဆင်ပြေနေပြီလို့ ရဲတိုက်က ပြောပြပါတယ်။ သို့သော်လည်း စိတ်ဓာတ်တွေကတော့ အကြိမ်ကြိမ်ကျနေရပြီး မူးယစ်ဆေးနွံနစ်ခဲ့ဖူးသူတွေရဲ့ ထုံးစံအတိုင်း ကောက်ရိုးလေးတစ်မျှင်စာ မျှော်လင့်ချက်လေးတွေ့ရှိလာလို့ ဆွဲကိုင်လိုက်ရင်း ကောက်ရိုးမျှင်လေး ပြတ်သွားရင်းနဲ့ အဖန်တလဲလဲ ခံစားနေရပြီး မူးယစ်ဆေးဖြတ်ခြင်းရဲ့ နောက်ဆက်တွဲ ဆိုးကျိုးတွေကိုလည်း ခံနေရတယ်လို့ ရဲတိုက်က ရင်ဖွင့်ပြောပြလာပါတယ်။

အခုလို မူးယစ်နွံထဲက ရုန်းထွက်ရာမှာ ပျက်စီးသွားတဲ့ ခန္ဓာကိုယ်အစိတ်အပိုင်းတွေ ရှိခဲ့ပြီး မျက်လုံးထိခိုက်ခဲ့မိသော်လည်း ပြန်လည်ကောင်းမွန်လာတဲ့အတွက် သူ့အနေနဲ့ အများကြီးကံကောင်းတယ်လို့ ပြောရမှာဖြစ်ပြီး မျက်လုံးသာ ပြန်မကောင်းခဲ့ဘူးဆိုရင် မင်းသားဘဝကို စွန့်လွှတ်ခဲ့ရနိုင်တယ်လို့ မင်းသားရဲတိုက်က ကြေကွဲဆွေးနင့်ဖွယ် ပြောပြပါတယ်။ ဂနာမငြိမ်တဲ့ ခန္ဓာကိုယ်လက္ခဏာတွေကိုလည်း ရဲတိုက်အနေနဲ့ ကြုံတွေ့ခဲ့ရပြီး အခုဆို ဂနာငြိမ်ငြိမ်နဲ့ မေးခွန်းတွေကို ဖြေကြားနိုင်ခဲ့တဲ့အထိ ပြန်လည်ကောင်းမွန်လာခဲ့ပြီလို့ ရဲတိုက်က ပြောပြပါတယ်။ ရဲတိုက်အနေနဲ့ အခုလို ပြန်လည်ထူထောင်ရေး ကာလမှာတော့ အခက်အခဲအားလုံးကို အပတ်တကုတ် ကြိုးစားရင်ဆိုင်နေရတယ်လို့ ဆိုပါတယ်။

ပရိသတ်ကြီးတို့ရေ ရဲတိုက်ကတော့ မည်သို့သော အနုပညာကိစ္စရပ်တွေမဆို နှလုံးသားကို အခြေတည်ပြီး ပြုလုပ်လို့ရှိတယ်လို့ ဆိုထားပြီး အရမ်းခက်ခဲတဲ့ ကာလ၊ ဒေသနဲ့ အခြေအနေတွေ ကြားထဲမှာ ဒီနှလုံးသားလေးကို မာကြောမသွားအောင် ထိန်းသိန်းခဲ့ရတယ်လို့ ပြောကြားရင်း ဒီအင်တာဗျူးလေးကို နိဂုံးချုပ် ဖြေဆိုပေးခဲ့ပါတယ်။ ဒီအင်တာဗျူးလေးနဲ့ ပတ်သတ်လို့ ပရိသတ်တွေဆီက ထင်မြင်ချက်လေးတွေကိုလည်း ကြားသိလိုပါတယ်နော်။