ပရိတ်သတ်ကြီးရေ ကြော်ညာဘုရင်မ ထက်ထက်မိုးဦးကတော့ အခုလို အနုပညာလုပ်ငန်းများ ရပ်နားထားရစဉ်မှာ online ကနေတဆင့် Live လွှင့်ကာ ဈေးရောင်းချနေခဲ့တာ အားလုံးသိပြီး ဖြစ်မယ်ထင်ပါတယ်နော်။ ဈေးရောင်းရပ်နားထားရတဲ့ နေ့တွေမှာလည်း ထက်ထက်ကတော့ သူမ ဖြတ်သန်းခဲ့ရတဲ့ ဘဝတစိတ်တပိုင်းအကြောင်းများနဲ့ ပက်သက်ပြီး ပရိတ်သတ်ကို မျှဝေပေးနေခဲ့ပါတယ်။
ဒီနေ့မှာတော့ လောကဓံအနိမ့်အမြင့် အတက်အကျတွေကြားထဲမှာ သူမကိုယ်တိုင် ခံယူထားတဲ့ အောင်မြင်ခြင်းနဲ့ ပက်သက်ပြီးလည်း အခုလိုပဲ ပြောပြခဲ့ပါတယ်။ သူမ ပြောခဲ့တာကတော့ ” “ခံယူထားတဲ့ အောင်မြင်ခြင်းရဲ့ လျှို့ဝှက်ချက် ” နေ့စဉ် အလုပ်လုပ်တဲ့ အခါတိုင်းမှာ အချိန်ကုန်ရင် ငါအိမ်ပြန်ရမှာပဲလို့ ဘယ်တော့မှမတွေးဘူး။ကိုယ်လုပ်လို့ မရောင်းရမှာ၊ပရိသတ်တွေမကြိုက်မှာ၊ client အဆင်မပြေမှာပဲတွေးတယ်။ ဒါကြောင့် နေ့စဉ်အမြဲမပြတ် လေ့လာရတယ်။ စာကျက်ရတယ်။ ပရိသတ်ရဲ့ အားပေးစကားတွေ၊ဝေဖန်တာတွေ အမြဲနားထောင်ရတယ်၊ အားပေးတာတွေ အတွက် စိတ်ခွန်အားရသလို ဝေဖန်မှုတွေဆိုလည်း ကိုယ့်ကိုချစ်လို့ ပြောပေးတာမို့ ပြင်ဆင်တယ် ပိုပြီးကောင်းအောင် ကြိုးစားတယ်။
ဇီးထုတ်ကြော်ငြာဆိုလည်း အလှဆုံးပြင်ပြီး အားစိုက်တာပဲ။ ရွှေဆိုင်ကြော်ငြာလည်း အားစိုက်တာပဲ။ အခု Live တွေ လွှင့်ပြီး ရောင်းရတဲ့အချိန်မှာ တစ်ထောင်တန်လည်း အကောင်းဆုံးစိတ်စေတနာထား၊ သေချာ ကုန်ပစ္စည်းအကြောင်း သိအောင်လုပ်ပြီး ရောင်းတယ်။ သိန်း ၃၀၀၀ တန်လည်း သေသေချာချာ လေ့လာပြီးမှ ရောင်းတယ်။ဘဝမှာ အောင်မြင်ခြင်းရဲ့ နံပါတ် ၁ က သည်းခံနိုင်မှုပဲ။ ဘဝမှာ ပင်ပန်းခက်ခဲခဲ့တယ်။ ဘယ်အရာမှ အလကားမရဘူးဆိုတာသိနေတဲ့အတွက် အရမ်းကြိုးစားတယ်။ ယဉ်ကျေးအောင်နေတယ်။ စိတ်ရောလူရော ထည့်ပြီး အလုပ်လုပ်တယ်။
အခုချိန် ပြန်ပြီးအလုပ်တွေလုပ်လာတဲ့အခါ၊အားလုံးက ချစ်ပေးကြတဲ့အခါမှာလည်း လက်လွတ်စပယ် မလုပ်ဘူး။ ကိုယ့်အယူအဆတွေမှားသွားရင် သူများထောက်စရာဖြစ်မှာကြောင့် သေချာလေ့လာတယ်။ အလုပ်အပေါ် သစ္စာရှိတယ်။ ဝါသနာပါလို့ လုပ်တာဆိုတော့ လဲခဲ့ရတာတွေ၊ အပေးအယူလုပ်ခဲ့ရတာတွေ အများကြီး ရှိပေမဲ့ဘယ်တော့မှ မလုပ်ချင်တော့ဘူးဆိုတာမျိုး မရှိခဲ့ဘူး။ ” ဆိုကာ အလုပ်ကိစ္စနဲ့ ပက်သက်ပြီး သူမရဲ့ ကြိုးစားအားထုတ်ဖြစ်ခဲ့ပုံကို မျှဝေခဲ့ပါတယ်။ ဖတ်ရှုပေးတဲ့ ပရိတ်သတ်ကြီးကို အထူးပဲ ကျေးဇူးတင်ရှိပါတယ်ရှင်။