တန်ဖိုး ရှိလိုက်တဲ့ နည်းလမ်းတွေပါ။ စီးပွားရေး, အောင်မြင်ရေး ငွေကြေးဆိုင်ရာ ပညာရှင်တွေအားလုံးက သင်ရှာနိုင်တာထက် လျှော့ပြီးသုံးဖို့ ပြောလေ့ရှိကြပါတယ်။အသုံးစရိတ်က ဝင်ငွေထက် နည်းရမယ်ဆိုတဲ့အကြောင်းကိုအကြိမ်ပေါင်းများစွာ ကြားဖူးနေတာ မှန်ပေမယ့် သေချာနားလည်ဖို့ လိုပါတယ်။ ဝင်ငွေထက် နည်းတဲ့ အသုံးစရိတ်နဲ့ ဘယ်လိုနေနိုင်မလဲဆိုတာကိုရော ကြိုးစားကြည့်ဖူးပါသလား။အများစုအတွက်တော့ ဝင်ငွေထက် လျော့နည်းတဲ့အသုံးစရိတ်နဲ့ နေထိုင်ဖို့က ပြောသလောက် မလွယ်ပါဘူး …။
အိမ်ငှားခတွေ၊ မီတာခ၊ ရေဖိုး၊ စားသောက်စရိတ်၊ လူမှုရေးကုန်ကျစရိတ်၊ လမ်းစရိတ်စသဖြင့် ငွေထွက်ပေါက်တွေက အများကြီးပဲဖြစ်ပါတယ်။ နောက်ထပ်စိတ်မကောင်းစရာကောင်းတာက ကျွန်တော်တို့ လစာဝင်ငွေတစ်ခုတည်းနဲ့ လိုချင်တဲ့ ဘဝနေထိုင်မှုပုံစံကို မရနိုင်တာပဲဖြစ်ပါတယ်။ဒီလိုနဲ့ အဆင်အခြင်မဲ့ လျှောက်သုံးရင်းကနေ ငွေကြေးအတွက် စိတ်ဖိစီးပူပန်မှုတွေ ကြုံတွေ့လာရနိုင်ပါတယ်။ ဒါ့ကြောင့် သင်ရှာနိုင်တာထက် နည်းတဲ့အသုံစရိတ်နဲ့ နေနိုင်ဖို့ နည်းလမ်းကောင်းအချို့ကို ဝေမျှပေးချင်ပါတယ်နော် ….
၁။ ကိုယ်တိုင်ချက်ပြုတ်စားသောက်ပါ
အိမ်မှာကိုယ်တိုင်ချက်ပြုတ်စားတာ၊ အလုပ်ထဲကို ထမင်းဘူးထည့်သွားတာက စားသောက်စရိတ်အတွက် ကုန်ကျငွေကို လျှော့ချပေးနိုင်ပါတယ်။ ကိုယ့်ထမင်းဘူး ကိုယ်ယူသွားတဲ့အတွက်တစ်ပတ်ကို ဘယ်လောက်သက်သာမလဲဆိုတာ တွက်ကြည့်နိုင်ပါတယ် …။နောက်ထပ်အရေးကြီးတာတစ်ခုက ကိုယ်တိုင်ချက်တဲ့ အစားအစာတွေက သန့်ရှင်းလတ်ဆတ်ပြီး ကျန်းမာရေးနဲ့လည်း ညီညွတ်ပါတယ်။ဒါ့ကြောင့် အခုကစပြီး ကိုယ်တိုင်ချက်ပြုတ်တတ်အောင် လေ့လာသင်ယူပါ။ ထမင်းဘူးထည့်ယူသွားပြီး နေ့လည်စာအတွက် အပိုထွက်လာတဲ့ငွေကို ရုံးပိတ်ရက်မှာ သုံးဖို့ ဖယ်ထားလိုက်ပါ …။
၂။ အသုံးစရိတ်တစ်ခု ရေးဆွဲပါ
အသုံးစရိတ်ကို ထိန်းသိမ်းနိုင်ဖို့ နည်းလမ်းတစ်ခုကတော့ စုဆောင်းမယ့် ငွေကို ဖယ်ပြီး မဖြစ်မနေကုန်ကျရမယ့် အသုံးစရိတ်စာရင်းတစ်ခု ရေးဆွဲထားဖို့ပဲ ဖြစ်ပါတယ်။ တစ်လစာအတွက်မဖြစ်မနေကုန်ကျမယ့် အနည်းဆုံး ကုန်ကျစရိတ်တွေကို ချရေးလိုက်ပါ …။ သင်ထင်ထားသလောက် မများတာကို တွေ့ရပါလိမ့်မယ်။ ကျန်တဲ့ငွေထဲက ပမာဏတစ်ခုကို အလွယ်တကူထုတ်လို့မရနိုင်တဲ့ ဘဏ်စာရင်းတစ်ခုထဲမှာ သွားအပ်ထားလိုက်ပါ …။
၃။ ဈေးဝယ်တတ်ဖို့ လိုပါတယ်
တစ်ခုခုဝယ်တော့မယ်ဆိုရင် အရင်ဆုံးသေချာစဉ်းစားရမှာ ဖြစ်ပါတယ်။ ဒီအရာကို လိုအပ်လား၊ ဘာအတွက် သုံးမှာလဲ၊ ဘယ်အချိန်မှာ သုံးမှာလဲ၊ အိမ်မှာရှိပြီးသားလား စတဲ့ မေးခွန်းတွေကို ပြန်ဖြေကြည့်ပါ။ပြီးတော့ တကယ်လိုအပ်လို့ ဝယ်ဖို့ဆုံးဖြတ်လိုက်ပြီးရင်လည်း တစ်ခါတည်း တန်းမဝယ်လိုက်ပါနဲ့ …။ အရည်အသွေးတူပစ္စည်းကို ဈေးနှုန်းသက်သာတဲ့နေရာကို ရှာဖွေဝယ်ယူပါ။ တစ်ခါတစ်လေမှာလျှော့ဈေးပေးတာ၊ အရောင်းမြင့်တင်တဲ့အနေနဲ့ ဈေးလျှော့ရောင်းတာတွေကို လက်လွတ်မခံပါနဲ့။ ဒီနည်းလမ်းနဲ့ သင်ရဲ့ဈေးသုံးစရိတ်ကို လျှော့ချနိုင်ပါတယ် …။
၎။ အမြဲတမ်းပေးဆောင်ရသည့် အသုံးစရိတ်များကို ပြန်စစ်ပါ
မီတာခ၊ ရေဖိုး၊ အာမခံကြေး စသဖြင့် အမြဲတမ်းပေးဆောင်နေရတဲ့ စရိတ်တွေကို ပြန်ဆန်းစစ်ပါ။ ပိုသက်သာတဲ့ ဝန်ဆောင်မှုကို ပြောင်းလဲအသုံးပြုပါ။ စုငွေအပေါ်မှာ ရရှိတဲ့အတိုးနှုန်းထားကိုလည်း လေ့လာဆန်းစစ်ပြီး အတိုးပိုရတဲ့နေရာမှာ စုဆောင်းဖို့ စဉ်းစားပါ …။
၅။ ကိုယ်တိုင်လုပ်နိုင်တာတွေ ကိုယ်တိုင်လုပ်ပါ
အိမ်အတွက်လိုအပ်တာတွေ၊ ခြံဝန်းထဲမှာ ရှင်းလင်းစရာရှိတာတွေကို ကိုယ်တိုင်လုပ်နိုင်တာတွေကို ကိုယ်တိုင်လုပ်ပါ။ အချို့ပစ္စည်းတွေကို လုပ်ပြီးသားမဝယ်ပဲနဲ့ ကိုယ်တိုင်လုပ်လို့ရတာတွေ ရှိပါတယ်။ကိုယ်တိုင်လုပ်တတ်အောင် လေ့လာသင်ယူပါ …။
သင့်အတွက် ငွေကုန်ကြေးကျသက်သာစေနိုင်သလို့ လုပ်တတ်ကိုင်တတ်တဲ့ အရည်အချင်းလည်း တိုးတက်လာမှာဖြစ်ပါတယ်။ငွေစုဆောင်းဖို့နဲ့ ချွေတာဖို့က ပြောတာထက် လက်တွေ့မှာ ပိုမိုခက်ခဲပြီး ကိုယ့်ကိုယ်ကိုယ်ထိန်းချုပ်နိုင်စွမ်း အများကြီး လိုအပ်ပါတယ်။ ဒါ့ကြောင့် သင်သိသမျှအကောင်းဆုံးနည်းလမ်တွေကို အသုံးပြုပါ …။ သင်ရော ဝင်ငွေနဲ့ ထွက်ငွေ မျှတရဲ့လား ဘယ်လိုတွေ သုံးစွဲနေလဲဆိုတာ ဖြေခဲ့ဦးနော်။