ယခုခေတ်မှာတော့ လူအများစုဟာ ကျန်းမာရေးနဲ့ပတ်သက်ပြီး အသိတွေ ကြွယ်ဝကြတာကြောင့် ကြားဖူးနားဝ ဆေးမြီးတိုတွေနဲ့ မကုသကြတော့ပါဘူး။ ဒါပေမယ့် တချိူ့နေရာတွေမှာလည်း ရောဂါတွေကို အန္တရာယ်ရှိတဲ့ နည်းလမ်းတွေနဲ့ ကုသနေကြဆဲပါပဲ။
ဝက်ဝံခြေထောက်ကိုစားတာ၊ ကျားရဲ့အစွယ်ကို ဆွဲကြိုးလုပ်ဝတ်တာ စတဲ့နည်းလမ်းတွေဟာ ကျန်းမာရေးအတွက် ကောင်းစေတယ် လို့ သုတေသန အထောက်အထား မရှိတဲ့အပြင် သဘာဝပတ်ဝန်းကျင်ကိုလည်း ထိခိုက်စေပါတယ်။
အင်ဒိုနီးရှားနိုင်၊ အနောက်ဂျာဗားပြည်နယ်၊ Rawa Buaya စီရင်စုမှာတော့ ရွာသားတွေဟာ ရထားလမ်းပေါ် အိပ်ပြီး ဆေးကုတဲ့ ကုထုံးကို ပြုလုပ်နေကြပါတယ်။ ဒီကုသနည်းကို ပြုလုပ်ဖို့ကတော့ မွန်းလွဲပိုင်းကနေ ညနေခင်းအထိ ရထားသံလမ်းပေါ်မှာ အိပ်ရမှာပါ။ ရွာသားတွေရဲ့ အဆိုအရတော့ ရထားသံလမ်းပေါ်မှာ ပြေးနေတဲ့ လျှပ်စစ်စီးကြောင်းက အဖျားရောဂါကို ပျောက်စေတယ်လို့ ပြောပါတယ်။
ရထားသံလမ်းပေါ်မှာ ပြေးနေတဲ့ လျှပ်စစ်ဗို့အား ပမာဏကို တိတိကျကျ မသိနိုင်တာကြောင့် ခန္ဓါကိုယ်ကိုလည်း ထိခိုက်စေမှာပါ။ အဲဒါကြောင့် အာဏာပိုင်တွေက ဒီလိုကုသနည်းကို တားမြစ်ထားပါတယ်။ ပြီးတော့ ဒီနည်းလမ်းက အဖျားပျောက်စေဖို့ မသေချာပေမယ့် ရထားလာရင်တော့ အန္တရာယ်ရှိမှာ အသေအချာပါပဲ။ အင်တာနက် သုံးစွဲသူတွေကတော့ ရထားသံလမ်းပေါ်မှာ အိပ်ပြီး အဖျားကုသတဲ့ ကုထုံးကို ပြစ်တင်ဝေဖန် နေကြပါတယ်။