နေဒဏ် လေဒဏ်တွေကြောင့် အသားအရောင် မညီမျှမှုတွေကို ဖြစ်စေတတ်သလို ဟော်မုန်းမညီမျှမှုတွေကြောင့်လည်း အသားအရောင် မညီမျှခြင်းကို ဖြစ်ပေါ်စေပါတယ်။ မျက်နှာမှာသာမက လက်ချောင်း ခြေချောင်းတွေမှာပါ အသားအရောင် မညီမျှမှုတွေကြောင့် စိတ်ညစ်နေတယ်ဆိုရင်တော့ ဒီနည်းလမ်းလေးကို စမ်းကြည့်လိုက်တော့နော်။ ဓာတုပစ္စည်းတွေမသုံးချင်တဲ့ သူတွေအတွက် သဘာဝနည်းနဲ့ အသားအရောင် မညီမျှခြင်းကို ကုသနိုင်ဖို့အတွက် နည်းလမ်းကောင်းလေးကို မျှဝေလိုက်ပါတယ်နော်။
လိုအပ်တဲ့ ပစ္စည်းတွေကတော့ ပြောင်းဖူးကော်မှုန့် (Cornflour) စားပွဲတင်ဇွန်း ၂ ဇွန်း၊ လိမ္မော်ရည် လက်ဖက်ရည်ဇွန်း ၃ ဇွန်း၊ ပျားရည် လက်ဖက်ရည်ဇွန်း ၂ ဇွန်း၊ သံပုယိုသီး တစ်ခြမ်း (သို့) သံပုရာသီး တစ်ခြမ်း တို့ပဲ ဖြစ်ပါတယ်။ တကယ်လို့ လက်ချောင်း ခြေချောင်းတွေအတွက်ဆိုရင်တော့ ပါဝင်ပစ္စည်းတွေရဲ့ ၂ ဆ ပြုလုပ်ပေးဖို့ လိုပါတယ်။
လက်ချောင်း ခြေချောင်းတွေအတွက်ဆိုရင်တော့ ပြောင်းဖူးကော်မှုန့် စားပွဲတင်ဇွန်း ၄ ဇွန်း၊ လိမ္မော်ရဉ် လက်ဖက်ရည်ဇွန်း ၆ ဇွန်း၊ ပျားရည် လက်ဖက်ရည်ဇွန်း ၂ ဇွန်း ၊ သံပုယိုသီး သို့မဟုတ် သံပုရာသီး တစ်လုံး စသည်တို့ လိုအပ်ပါတယ်။
ပြုလုပ်နည်းကတော့ ပါဝင်ပစ္စည်းအားလုံးကိုရောပြီး သေချာမွှေလိုက်ပါ။ ရလာတဲ့ အနှစ်က အရမ်းအရေကြဲနေရင် ပြောင်းဖူးကော်မှုန့် နည်းနည်းထပ်ထည့်ပါ။ ပျစ်ပျစ်လေး ဖြစ်အောင်ဖျော်ရမှာဖြစ်ပါတယ်။ ပြီးရင်တော့ Make-up Brush အသန့်တစ်ခုနှစ်ပြီး မျက်နှာ နဲ့ လက်ချောင်းခြေချောင်းလေးတွေကို လိမ်းပေးပါ။ ၂ မိနစ်လောက်ထားပါ။ ပြီးရင် ကျန်တဲ့ အနှစ်တွေကို ကုန်အောင်ထပ်လိမ်းပြီး မိနစ် ၂၀ လောက်ထားပါ။
အဲဒီနောက် ဝါဂွမ်းစကို ရေအေးထဲ နစ်ပြီး စောစောကလိမ်းထားတဲ့အနှစ်တွေကို သုတ်ပေးပါ။ ပြီးရင်ရေအေးနဲ့ ဆေးချပါ။ ၃ ရက်ကို ၁ ကြိမ်လုပ်ပါ။ တစ်လတိတိလုပ်ပေးပါ။ အသားအရောင်ညီညာလှပလာတာကို တွေ့ရပါမယ်။