သင့်ချစ်သူက သင့်ကို ပိုပြီးချစ်လာအောင် လုပ်လို့ရမယ့် နည်းလမ်းတွေက အများကြီး ရှိပါတယ်။ တကယ်ချစ်တဲ့သူတွေက ရိုးအီသွားတယ် ဆိုတာတော့ မရှိပါဘူး။ ဒါပေမယ့် တစ်ခါတရံမှာ သင့်ကို သင့်ချစ်သူက ပိုပြီးချစ်လာစေဖို့၊ သင်က သူ့အပေါ် တန်ဖိုးထားတယ်ဆိုတာ သိစေဖို့ ဒီလို အချက်လေးတွေ လုပ်ကြည့်ပါနော်။
၁။ ကြာကြာ ပွေ့ဖက်ပါ။
သင့်ချစ်သူကို ပွေ့ဖက်လိုက်တဲ့အခါ စိတ်ဖိစီးမှု လျော့သွားပြီး လုံခြုံသလို၊ ပျော်ရွှင်သလို ခံစားလာရပါလိမ့်မယ်။ ပျမ်းမျှအားဖြင့် စုံတွဲတွေက ၃ စက္ကန့်ကြာလောက်သာ ပွေ့ဖက်ကြပါတယ်။ ဒါပေမယ့် အနည်းဆုံး စက္ကန့် ၂၀ ကြာပွေ့ဖက်တဲ့အခါ အချစ်ဟော်မုန်းတွေ ထွက်လာပြီး စိတ်ချင်းပိုမို နီးစပ်သွားပါလိမ့်မယ်။
၂။ သင့်ချစ်သူထံမှ အကြံဉာဏ် တောင်းပါ။
ဘဝမှာ တစ်ခါတရံ ခက်ခဲလာတဲ့အခါ တစ်ယောက်တည်း ဖြေရှင်းတာထက် နှစ်ယောက်ဖြေရှင်းတာက ပိုပြီး လွယ်ကူပါတယ်။ သင့်ချစ်သူထံကနေ အကြံဉာဏ်တောင်းပါ။ အကြံဉာဏ်က အကူအညီ မဖြစ်ရင်တောင် သူ့ကို အားကိုးတယ် ဆိုတဲ့ အသိလေးရသွားပါလိမ့်မယ်။
၃။ သူဝါသနာပါရာကို လိုက်လျောပေးပါ။
တစ်ယောက်နဲ့တစ်ယောက် အကြိုက်ချင်း ဝါသနာချင်းကတော့ မတူနိုင်ပါဘူး။သင်က သူ့ရဲ့ဝါသနာကို သဘောမကျရင်တောင် သူ့ကို လေးစားမှု ဦးစားပေးမှု ထားတဲ့အနေနဲ့ လိုက်လျောလုပ်ဆောင် ပေးလိုက်ပါ။ အဲဒီအခါ တစ်ယောက်နဲ့တစ်ယောက် စိတ်ချင်း ပိုမိုနီးစပ်သွားပါတယ်။
၎။ နှစ်ယောက်အတူတူ အချိန်ကုန်ဆုံးပါ။
အတူတူ ရှိနေတဲ့အချိန်မှာ စကားများနေတာထက် ပျော်ရွှင်တဲ့အချိန်အဖြစ် ဖန်တီးတာက ပိုအကျိုးရှိပါတယ်။ အတူတူစက်ဘီးစီးတာ၊ ညစာအတူတူပြင်ဆင်တာ၊ စာအုပ်ဖတ်ပြတာ စတဲ့ အမှတ်တရဖြစ်စေမယ့် အချိန်တွေကိုသာ ဖန်တီးပါ၊
၅။ စိတ်ပိုင်းဆိုင်ရာ လုံခြုံမှုပေးပါ။
စုံတွဲတွေကြားမှာ စိတ်ပိုင်းဆိုင်ရာ လုံခြုံမှုမရှိရင် ရှေ့ဆက်ဖို့ အဆင်မပြေပါဘူး။ သူရဲ့ ကြောက်စိတ်တွေ၊ အားနည်းချက်ကို နားထောင်ပေးတာ၊ အကြံဉာဏ်ပေးတာ၊ ကတိတည်တာတွေက သင်က ယုံကြည်ရသူဖြစ်ကြောင်း သူ့စိတ်ထဲမှာ မှတ်ယူသွားပါလိမ့်မယ်။
၆။ သေးသေးဖွဲဖွဲ အရာလေးတွေနဲ့ ပျော်ရွှင်အောင်လုပ်ပါ။
Suprise gift တွေ ပေးနေမှချစ်တာ မဟုတ်ပါဘူး။ အသေးအဖွဲ အရာလေးတွေနဲ့လည်း ပျော်အောင် လုပ်လို့ရပါတယ်။ ချစ်စရာကောင်းတဲ့ message လေးတွေပို့တာ၊ ကြိုက်တတ်တဲ့မုန့်ကို ဝယ်လာပေးတာ၊ သူ့အလုပ်ကို ကူလုပ်ပေးတာ စတာတွေက ငွေကြေးကုန်ကျမှု နည်းပြီး သင့်ကို ပိုချစ်လာစေမှာပါ။
၇။ ဦးစားပေးပါ။
သင့်ချစ်သူမှာလည်း အလုပ်တွေ ရှိနေနိုင်ပါတယ်။ အဲဒီအခါ သင့်ဆန္ဒထက် သူ့အလုပ်ကို ဦးစားပေး လိုက်လျောပေးလိုက်ပါ။ သင်ဟာ နားလည်မှု ရှိသူအဖြစ် ပိုပြီး အချစ်တိုးလာပါလိမ့်မယ်။
၈။ ကိုယ်ပိုင်အချိန်ပေးပါ။
ကိုယ်ပိုင်အချိန်က အရေးကြီးပါတယ်။ ရည်းစားတွေ ဖြစ်သွားတိုင်း သူ့အချိန်တိုင်းကို လိုချင်နေရင် ကြာရင် အဆင်မပြေပါဘူး။ သူဝါသနာပါရာ လုပ်ဖို့၊ တစ်ယောက်တည်း အေးအေးဆေးဆေးနေဖို့ အချိန်ပေးတာက သင့်ကို သဘောထားကြီးသူအဖြစ် ထင်ရာရောက်စေပါတယ်။